Dulas

Aethom ati i gynhyrchu gwefan rheoli cynnwys ar gyfer Dulas fel y gall reoli`r gwaith o hyrwyddo ei wasanaethau proffesiynol ar gyfer ynni adnewyddadwy ar-lein.

Cyn i ni ddatblygu gwefan Dulas, roedd diweddariadau’n cael eu rheoli gan un aelod o staff, trwy ddefnyddio meddalwedd golygu html a llwytho pethau’n uniongyrchol i weinyddwr y we. Sylweddolodd Dulas bod hon yn broses araf a oedd yn effeithio ar y gallu i gysylltu cynhyrchion a gwasanaethau ledled y wefan.

Aethom ati i ddylunio a datblygu system rheoli cynnwys aml-haen i reoli a strwythuro’r wybodaeth gynhwysafwr am gynhyrchion a gwasanaethau Dulas. Trwy weithio gyda llawer o adrannau Dulas, cawsom ddealltwriaeth wych o lefel y profiad sydd gan y cwmni’n gyffredinol a’r unigolion sy’n gweithio iddo. Roeddem yn teimlo bod hyn yn bwysig ac y dylid ei adlewyrchu ar ei wefan mewn ffordd glir a chynhwysfawr, gan ddarparu lefel o arbenigedd a phersonoliaeth i gleientiaid cenedlaethol a rhyngwladol.

O ystyried hyn, cynlluniwyd y wefan mewn cydweithrediad â’r adran farchnata, gan sicrhau bod pob agwedd ar y busnes yn cael eu cwmpasu, ynghyd ag is-strwythur o ddata a allai fod yn berthnasol i fwy nag un adran. Trwy waith cynllunio cynhwysfawr, cynhyrchwyd cynllun a oedd yn ymdopi â data cymhleth, gan ei alluogi i hyrwyddo cynhyrchion a gwasanaethau ar draws adrannau.

Ewch i wefan Dulas Cyf (www.dulasltd.co.uk)

 Hafan - Gwasanaethau Proffesiynol Dulas ar gyfer Ynni Adnewyddadwy

 Map o`r prosiect - Gwasanaethau Proffesiynol Dulas ar gyfer Ynni Adnewyddadwy